- 213 -
1435 (14. września) Brzeg, w dzień Podwyższenia Krzyża Św. etc.
Książę Ludwik II., pan na Brzegu i Legnicy, pisze w interesie swego, zniszczonego przez husytów miasta Brzeg, do wielkiego mistrza zakonu krzyżackiego.
— Unser fruntliche dinste vnd was wir guts vormögin alczeit zcuvor, groszmechtiger lieber herre vnd frund, als ir denne vormols wol mutig vornomen haben, wie leyder vnser stat BrigBrzeg von der keczer hant swerlichen vnd vff das allerhochste vortrebt ist, vnd furbass nicht besser mit yn werden mag, is sey denne, das wir yn getrewlichen vorsteen vnd helffen, dorumme so haben wir yn yczund vnser freiheit gegeben funff jore vnd dorczu alle vnsere czölle, rente vnd czynse, die wir in derselben stat haben, keyns aussgeczogen vnd hoffen, ob got wil, das sie mit hulffe fründe vnd vnserer kurczlichen zcu en selber wider kommen mochtin. Hirumme so biten wir ewer grossmechtikeit, denselben vnsern armen lewten der stat Brig vnd allen eren eynwoneren ewer hulffe auch dorczu gutlichen zcuerczeigen vnd yn eyn sicher geleyte yn ewer landen vmbe vnsern willen gnediglichen zcugeben nichtwenne von der stat Brig schulde wegen vnd mit ewer grossmechtikeit briefe zcuvorschreiben vier ader funff jore, ader also lange vnd is ewer grossmechtikeit eben were, vnd vns das nicht zcuvorsagen vmbe vnser dinste willen, der wir ewer grossmechtikeit vnd den orden noch vnserm vormogin alczeit willig vnd bereit synd, vnd biten vmbe eyn gutliche antwort.
Geben zcum Brige am tage crucis exaltacionis anno et o. XXXVto.
Ludwig von gots genaden herczog in Slesien zum Brig vnde LegniczLegnica etc.